Gestur áhugahóps um guðfræðiráðstefnur 2022 er Mark Yaconelli. Hann er rithöfundur og ræðumaður. Hann leiðir íhugunarstundir. Hann er aktívisti og æskulýðsleiðtogi. 

Mark Yaconelli ferðast um heiminn og hjálpar fólki að segja sögur, bæði með áhugaverðum og spennandi fyrirlestrum og ekki síður með skemmtilegum smiðjum. Þá hefur hann hefur skrifað fjölda bóka um æskulýðsstarf, m.a. hina frábæru bók Contemplative Youth Ministry. Hægt er að læra meira um Mark Yaconelli á vefsíðunni https://markyaconelli.wordpress.com.

Yaconelli verður með ráðstefnu þriðjudag 27. og miðvikudag 28. september í Ástjarnarkirkju í Hafnarfirði um listina að segja sögur (e. story telling). Þátttakendur munu skoða hvernig persónulegar sögur hafa áhrif á prédikun, trúarlega uppbyggingu, baráttu fyrir réttlæti og hvers konar starf í kirkjunni. Á námskeiðinu verður notast við kyrrðarstundir, fyrirlestra, æfingar af ýmsu tagi og guðfræðilega íhugun undir leiðsögn Mark Yaconelli. Mark mun gefa þátttakendum hagnýtar upplýsingar sem koma að gagni þegar segja á sögur. Hann mun kynna leiðir til að hafa sögustundir og fjalla um hvernig við getum talað um nánd okkar við Guð.

Dagskráin er ennþá í mótun en vænta má frekari upplýsinga á næstu vikum.

“You will find Mark Yaconelli to be a wise and patient teacher with a lovely sense of humor. And if you’re anything like me, you’ll find direction and validation and a lot of truly great suggestions in his words.”  —Anne Lamott

Ráðstefnan er styrkt af Kjalarnesprófastsdæmi, Vísindasjóði Prestafélags Íslands og Prestafélagi Íslands.

Mark Yaconelli